Nga Varan te Sanço e Lukaku/ 30 dështimet e Mançester Junajtid në merkato

Ndërsa Mançester Junajtidi po tre gon edhe njëherë vështirësitë në arritjen e objektivave të merkatos këtë verë, duke bërë oferta për lojtarë të kalibrit të Adrien Rabiosë dhe Marko Arnautoviçit, e shkuara tregon shumë për atë që nuk shkon në menaxhimin e 20 herë kampionëve të Anglisë.

Tifozët që kërkojnë largimin e pronarëve Glejzër, vënë gishtin te mungesa e një një lidershipi që po shndërrohet në turpërues për nivelin e një klubi me të tilla përmasa. Që prej tërheqjes së trajnerit Sër Aleks Ferguson në vitin 2013 dhe ritransferimit të Kristiano Ronaldos verën e shkuar, “Djajtë” kanë firmosur me 30 lojtarë që kanë kushtuar +10 milionë paund apo më shumë, por asnjëri prej tyre nuk ka qenë një sukses i vërtetë në “Old Trafford”.

Të gjitha klubet bëjnë gabimet e tyre. Merkatoja është si një pishinë me peshkaqenë ku asnjë transferim nuk e ka të garantuar suksesin. Kjo është e kuptueshme, ashtu siç do të ishte edhe të paktën 50% sukses në politikën e transferimeve, por zero për 30 transferime gjatë 9 viteve nuk është një shifër e injorueshme.

“The Sun” raporton se Junajtidi ka arritur të bëjë biznes fitimprurës me vetëm dy futbollistë që prej tërheqjes së trajnerit skocez nga futbolli: ata janë Dalej Blind dhe Den Xhejms, të cilët nuk prodhuan sukses në fushë, por të paktën klubi fitoi nga shitja e tyre. Bruno Fernandesh u duk se do ishte njeriu që mund të ndryshonte trendin kur u transferua në janarin e vitit 2020. Dhe pas 18 muajve të shkëlqyer të mesfushorit, sezonin e shkuar edhe ai u fik si të tjerët dhe prej sezonit të vështirë me Solskjaerin në stol, portugezi nuk e ka marrë më veten.

Këtë sezon është shumë shpejt për të gjykuar tri blerjet e deritanishme: Lisandro Martinez, Kristian Eriksen dhe Tajrel Malacia, por tentativat për të firmosur me Rabionë dhe Arnautoviçin 33-vjeçar e kanë bërë më komike se kurrë situatën në klub.

BLERJET E JUNAJTIDIT PREJ VITIT 2013

TRAJNER MOJES

FELAINI 27.5

MLN MATA 37.1 MLN

TRAJNER VAN GAL

SHOU 33 MLN

HERRERA 28.8MLN

ROHO 16 MLN

DI MARIA 59.7 MLN

BLIND 14MLN

DEPAJ 25 MLN

SHNEIDERLIN 24 MLN

SHVAJNSHTAIGER 15 MLN

DARMIAN 12.9 MLN

MARSIAL 36 MLN

TRAJNER MURINJO

BEILI 30 MLN

MKHITARIAN 30 MLN

POGBA 89 MLN

LINDELOF 31 MLN

LUKAKU 75 MLN

MATIÇ 40 MLN

SANÇEZ 30 MLN

FRED 52 MLN

OLE GUNNAR SOLSKJAER

DALOT 19 MLN

XHEMJS 15 MLN

BISAKA 45 MLN

MEGUAJËR 85 MLN

FERNANDESH 55 MLN

VAN DE BEK 35 MLN

TEJESH 13.6 MLN

DIALO 37 MLN

SANÇO 73 MLN

VARAN 34.2 MLN

RONALDO 19.7 MLN

TRAJNER TEN HAG

MALACIA 12.9 MLN

MARTINEZ 56.7 MLN

Përgatiti: ANDROKLI DRALO – Arena e Lajmit