Turbina të premten paradite është stërvitur në kryeqytet dhe grupi i lojtarëve ka qenë i plotë. Sot pasdite të verdhët do të ndeshen në Cërrik me AF Elbasanin, në një miqësore brenda qarkut. Në këtë test do të shihet më mirë forma që gëzon ekipi, i cili po konsolidohet dita-ditës.
Te cërrikasit ka ardhur mesfushori tiranas Ergi Brahja, që sezonin e kaluar ka luajtur me Pogradecin, por është rikthyer edhe mbrojtësi Vilfor Arbana, që ka cilësi shumë të mira. Edhe sulmuesi Frenklin ka firmosur me Turbinën. Ai ka bërë paraqitje shumë të mira në testet miqësore.
Nigeriani tjetër Viktor, nuk ka kaluar klasën dhe është larguar. Problem tani për tani mbetet vetëm porta, ku drejtuesit po mendojnë për një gardian cilësor. Sytë i kanë hedhur nga Superiorja, ku kanë piketuar një futbollist të mirë dhe janë duke negociuar me të. Pritet që palët të bien dakord dhe të kompletohet edhe porta.
M.MIRAKA – Arena e Lajmit
and then