Sezoni i ri i Mançester Junajtid ka nisur në mënyrën më të keqe të mundshme me skuadrën që ka humbur dy ndeshjet e para duke pësuar 6 gola dhe duke shënuar vetëm një. Fajtori kryesor i situatës duket se është bërë trajneri i ri i “Djajve”, Erik Ten Hag i cili rrezikon seriozisht shkarkimin nëse situata nuk ndryshon.
Sipas raportimeve nga “The Sun”, bordi drejtues i klubit anglez duket i pakënaqur me mënyrën sesi holandezi po e drejton skuadrën në këtë fillim sezoni dhe situatën me disa nga titullarët të cilët kanë pakënaqësi ndaj trajnerit siç është dhe Kristiano Ronaldo.
Shkarkimi i Ten Hag gjithashtu ka filluar të kuotohet në baste, me teknikun i cili kryeson për momentin listën e favoritëve për largimin nga stoli mes teknikëve të Premier Ligës, situatë e cila duhet të ndryshojë sa më parë nëse 52-vjeçari dëshiron të qëndrojë te Junajtid.
Arena e Lajmit
and then