Qendërmbrojtësi i Kristal Palas, Joakim Andersen, është vënë në shënjestër të abuzimeve të rënda në internet, pas barazimit në “Anfield Road”, të hënën në mbrëmje.
Ai ishte personi që nervozoi sulmuesin 100 milionësh të Liverpulit, Darvin Nunjez, duke bërë që ky i fundit të kundërpërgjigjej me dhunë dhe të përjashtohej nga loja pasi goditi me kokë Andersen.
Gjithsesi, ky episod nuk ka qenë aspak i lumtur për Anderson, i cili me anë të një postimi në rrjetet sociale thekson: “Kam marrë mbi 400 mesazhe kërcënuese jete mbrëmë.
Unë e kuptoj që ju mbështesni një ekip, por kini pak respekt dhe mos veproni ashpër në internet”.
Më pas 26-vjeçari i Kristal Palasit ndau edhe mesazhet e tjera që ka marrë, në të cilat ai u cilësua si “turp” dhe “mashtrues”, ndërsa ato që mbizotëronin ishin “shpresa që avioni i tij të rrëzohej”, ose t’i vdiste familja.
Në një postim të fundit, Andersen i bëri thirrje “Instagramit” dhe Premier League që të merren masa ndaj këtyre kërcënimeve. “Sportsmail” ka mësuar se Kristal Palas do të informojë policinë me qëllim ndjekjen penale.
Arena e Lajmit
and then