Sekretari i Përgjithshëm i Partisë së Lirisë, Tedi Blushi, hodhi akuza ndaj qeverisë dhe pushtetin lokal duke thënë se kanë keqqeverisur dhe se po e detyrojnë rininë të largohet nga vendi.
Gjatë një takimi me strukturat e PL-së në Korçë, Blushi tha se qeveria “e kapur për fyti nga oligarkët, po godet shtresën e mesme dhe profesionistët e lirë duke i detyruar të emigrojnë”.
“Dua t’u them atyre rilindasve përfshirë dhe këta rilindasit këtu në Korçë se fundi tyre është më i afërt se sa ata e mendojnë. Shumë të rinj janë bashkuar sot me ne dhe janë garancia për triumfin që do të vijë. Edi Rama dhe qeveria e kapur për gryke nga oligarkët po bën gjithçka për të goditur shtresën e mesme, për të goditur biznesin e ndershëm, profesionistët në mënyrë që t’i detyrojnë të largohen nga vendi.
Të rinjtë sot në Korçë po mendojnë seriozisht të largohen me gomone në Angli. Keqqeverisja e ka kthyer Korçën gati 100 vite më i parë, sot qytetarët e Korçës ndjejnë krizën e urisë dhe të bukës dhe janë gati të shpërthejnë në revolt në çdo moment”, deklaroi ndër të tjera Blushi.
and then