Një aksident i rëndë ka ndodhur mbrëmjen e sotme në hyrje të qytetit të Lezhës.
Gazetari Elidon Ndreka ka raportuar për BalkanWeb se një automjet tip “Mercedes Benz” i drejtuar nga shtetasi me iniciale N. S. ka përplasur një këmbësor, i cili ka ndërruar jetë në vend pasi nuk ka mundur t’i mbijetojë plagëve të marra.
Mësohet gjithashtu se viktima është rreth të 40-ave ndërsa në vendngjarje ka mbërritur edhe policia për të bërë zbardhjen e plotë të ngjarjes.
Njoftimi i policisë:
Lezhë / Informacion paraprak
Rreth orës 20:00, në hyrje të qytetit Lezhë, konkretisht në afërsi të “Kryqëzimit të Shëngjinit”, shtetasi N. S. duke drejtuar automjetin e tij ka aksidentuar një këmbësor të gjinisë mashkull, akoma i paidentifikuar, i cili është dërguar në spital por si pasojë e plagëve të marra ka ndërruar jetë.
Drejtuesi i mjetit ndodhet i shoqëruar në ambientet e policisë për veprime të mëtejshme procedurale.
Grupi hetimor në vendin e ngjarjes vazhdon veprimet hetimore për zbardhjen e shkaqeve të aksidentit dhe identifikimin e viktimës.
Arena e Lajmit
and then