Derbi i Londrës në javën e kaluar nuk ka dhuruar spektakël vetëm me golat e shënuar në fushën e lojës. Tomas Tuhel dhe Antonio Konte dhuruan një shfaqje të veçantë me përplasjet e tyre dhe me zënkën që shpërtheu në fund të ndeshjes pas një shtrëngimi duarsh jo edhe aq miqësor.
Komisionet disiplinore të Ligës Angleze kanë dhënë sot vendimet për ngjarjet e asaj ndeshje dhe të dy trajnerët e kanë pësuar rëndë, pasi do të marrin gjoba të majme. Tomas Tuhel me sa duket vlerësohet si shkaktari i sherrit, pasi ai është ndëshkuar me një gjobë prej 35 mijë paund, ndërsa i është dhënë një dënim me një ndeshje në tribunë, por momentin i pezulluar. Kurse Antonio Konte do të paguajë një gjobë prej 15 mijë paund për rolin e tij në këto ngjarje.
Të dy trajnerët kanë bërë të ditur se do të apelojnë vendimin, edhe pse ndeshjes kërkuan të dy falje për sjelljen e tyre. Por është e qartë se asnjëri nuk dëshiron të paguajë gjobat e majme që u janë dhënë për këto zënka.
Arena e Lajmit
and then