Humbja në ndeshjen e parë të Superiores nga Vllaznia përballë Erzenit, ka lënë të zhgënjyer shumëkënd që mendonte se shkodranët do të ishin pretendentë për titullin kampion. Një prej tyre është edhe ish-futbollisti i përfaqësueses shqiptare, Andi Lila, i cili në analizën e tij për “Oversport”, ka theksuar se shkodranët ishin shumë larg pritshmërisë në paraqitjen e tyre.
“Të them të drejtën pashë një Vllazni pa dëshirë, e avashtë, shumë e lexueshme në lojë. Është e ndërtuar për kampion, kur mendoja për ata që ishin pretendentët, te Vllaznia më shkonte mendja. Ndërsa sot tregoi të kundërtën.
Ishte skuadër shumë e brishtë, me zor ndërtonte një aksion. Imagjinoni që pas minutës së 70 ishte aksioni i parë i rrjedhshëm me dyshen Vulaj-Latifi. E nisi me një pjesë të parë katastrofike, shuëm e avashtë dhe e lexueshme. Asnjë rast në portën e Erzenit. Në fundin e lojës ishte e logjikshme pastaj që të gjithë shkuan në zonë dhe e kërkonin golin me top të gjatë”, tha Lila në fjalët e tij.
Arena e Lajmit
and then