Kukësi-Tirana ishte sf ida hapëse e sezonit 2022-2023. “Panorama Sport” sjell të gjitha pikantet e ndeshjes së djeshme, ku topin e parë nga qendra në mënyrë simbolike, e shkelmoi Pëllumb Kërxhaliu, i cili është ish-kapiteni i Kukësit në vitet ’70-’80.
F.Hazisllari
* Kukësi dhe Tirana ishin përballur për herë të fundit në ndeshjen e javës së 36-të të sezonit të kaluar, kur bardheblutë festuan titullin.
* Për herë të parë një edicion futbollistik i Superiores nis nga qyteti i Kukësit, teksa të pranishëm në shkallët e stadiumit ishin rreth 2800 tifozë. Një pjesë e mirë bashkohen disa minuta me vonesë.
* Temperaturat e larta bëjnë që lojtarët të bënin edhe dy pushime për t’u freskuar me ujë, ndërsa nga ana tjetër, tifozët kuksianë ishin shpërndarë pjesë-pjesë, në pikat e stadiumit ku binte hija.
* Minuta e 15-të do të sillte një episod në një cep të fushës, teksa me shpejtësi të madhe mbrojtësi Filip Najdovski del jashtë vijëzimit dhe në betonin që vazhdon rrëshqet duke u rrëzuar dhe dëmtuar disi.
* Një dyluftim i ashpër mes Dacit dhe Huseinit në krah, bën që të dy të përplasen duke rrëzuar tabelat anësore të fushës, ku vendosen reklamat.
* Mbrojtësi nga Bregu i Fildishtë, Zhozelin Behiratçe, u zëvendësua që në minutën e 37-të. Pas daljes nga fusha, lojtari i Tiranës shkoi i nervozuar drejt dhomave të zhveshjes, duke e pritur keq ndërrimin.
* Bie në sy një problem për Seferin, sidomos në pjesën e parë me sulmuesin që nuk mban ekuilibrin dhe rrëzohet disa herë për shkak të fushës së rrëshqitshme.
* Trajneri i Kukësit, Skënder Gega, gjithmonë në këmbë duke udhëzuar të tijtë, sidomos pas kartonit të kuq të Dacit. Trajneri i kërkon me ngulm ekipit që të kthehet mbrapa për të mos pësuar.
* Ovacione në shkallët e stadiumit nga tifozët kuksianë në minutën e 66-të, kur del nga fusha e lojës Basha dhe futet Berisha. Një koincidencë “e frikshme” me mbiemrat e dy politikanëve. * Në tribunën VIP të stadiumit të Kukësit dje u shfaq edhe Olsi Rama.
Arena e Lajmit
and then