Ish-sulmuesi i Kukësit, Mirlind Daku, është duke kaluar një moment fantastik te skuadra e Murës, në elitën e futbollit slloven. Futbollisti 24-vjeçar gjeti rrugën e rrjetës edhe në duelin e djeshëm ndaj Bravos në transfertë duke i dhuruar 3 pikë të arta skuadrës së tij, në triumfin 0-1.
Ky ishte goli i katërt në 5 ndeshje për shqiptarin e Kosovës, që momentalisht ndodhet në vendin e dytë në listën e kryegolashënuesve, me 1 gol më pak se Kotnik i Koperit.
Daku ka qenë pjesë e Kukësit në sezonin 2019/2020, por drejtuesit nuk i besuan asokohe talentit të sulmuesit që u aktivizua me fanellën e verilindorëve 460 minuta, në kampionat dhe Kupë, duke gjetur 3 herë rrugën e rrjetës.
Arena e Lajmit
and then