Elita e futbollit shqiptar ngriti siparin ditën e premte me duelin mes Kukësit dhe Tiranës që përfundoi në barazim 1-1. Si çdo vit, edhe këtë sezon, skuadra kanë qenë tepër aktive në merkato, teksa të shumta janë lëvizjet si në hyrje ashtu dhe në dalje.
Edhe pse dritarja e transferimeve nuk është mbyllur ende, renditjen e skuadrave me vlerën më të lartë të momentit në treg e kryeson Tirana. Kampionët në fuqi të Superiores kanë në përbërje lojtarë, vlera e të cilëve në total shkon 5.65 milionë euro, në vend të dytë qëndron Partizani me 5.38 milionë euro, teksa “podiumi” kompletohet me Vllazninë që mban vendin e tretë me 4.45 milionë euro.
Erzeni dhe Bylisi mbyllin tabelën. Të dy këto skuadra këtë sezon u ngjitën në Superiore, teksa do iu duhet mjaftë punë për të rritur vlerën. Shijakasit momentalisht vlejnë 1.08 milionë euro, ndërsa ballshiotët, 1.35 milionë euro.
Arena e Lajmit
and then