Kandidatët e Alibeajt në zgjedhjet lokale, dalin emrat për pesë bashki

Pas zyrtarizimit të kandidaturës së Agron Kapllanajt për bashkinë e Mallakastrës, dalin edhe emrat e katër kandidatëve të tjerë që do të garojnë në zgjedhjet lokale të 14 majit.

Burimet bëjnë të ditur se Bilbil Bajraktari do të kandidojë në Kamëz, Sabah Sheta në Krujë, Sandër Marku në Lezhë dhe Naim Gazidede në Dibër.

Mësohet gjithashtu se grupi i Alibeajt po përgatit kandidatët edhe për në Kuçovë e Dimal, ndërkohë që në ditët e ardhshme do të ketë kandidatë edhe në disa bashki të tjera të vendit.