Mançester Junajtid pret Liverpul në javën e tretë të Premier Ligës, me të dyja skuadrat që duket se nuk janë në formën e tyre më të mirë dhe ku do të kërkojnë tre pikët e para. “Panorama Sport” ju sjell me statistikat më të veçanta të kësaj sfide, e cila quhet dhe si klasikja e futbollit anglez.
NDESHJE TË LUAJTURA
– 60 takime të zhvilluar
– 28 fitore Junajtid
– 14 barazime
– 18 fitore Liverpul
GOLA TË SHËNUAR
– Gjithsej 155 gola
– Mesatarisht 2.53 gola për ndeshje
– Mançester Junajtid 81 gola
– Liverpul 74
SERIA MË E GJATË POZITIVE
– Mançester Junajtid 1996- 2000, 8 ndeshje
– Liverpul 2000-2002, 4 ndeshje
FITORET MË TË THELLA
– Mançester Junajtid 4-0 Liverpul (5 prill 2003)
– Mançester Junajtid 0-5 Liverpul (24 tetor 2021)
GOLASHËNUESIT
– Mohamed Salah 8 gola
– Stiven Zherard 8 gola
– Uejn Runi 7 gola
STATISTIKA TË TJERA
– Mançester Junajtid ka fituar vetëm një nga 12 ndeshjet e fundit të Premier Ligës kundër kundër Liverpulit (6 barazime, 5 humbje).
– Skuadra e Jyrgen Klop mund të fitojë katër takime radhazi në Premier Ligë për herë të parë që nga viti 2002.
– Liverpuli do të kërkojë për herë të parë katër fitore radhazi ndaj Mançester Junajtidit, si pritës i sfidës.
– Mançester Junajtid mund të humbasë tre ndeshjet e para të një sezoni të Premier Ligës për herën e katërt që nga viti 1986.
– “Djajtë e Kuq” po përpiqen të shmangin humbjen e pesë ndeshjeve radhazi për herë të parë në 50 vjet.
– Junajtid është skuadra e vetme që ka humbur më parë dy ndeshjet e para të sezonit, por në fund të arrinte të fitonte titullin, konkretisht në sezonin 1992-1993.
– Liverpuli e nisi pa asnjë fitore në dy javët e para kampionatin, për herë të parë që nga viti 2012
– Skuadra e Jyrgen Klopit është e pamposhtur në të 21 ndeshjet e tyre në Premier Ligë të zhvilluara në vitin diellor 2022 (16 fitore, 5 barazime).
– Mohamed Salah është një gol larg nga të bërit lojtari i parë i Liverpulit në histori që arrin shifra dyshifrore kundër Junajtid.
– Salah ka shënuar tetë gola në katër paraqitjet e tij të fundit kundër “Djajve të Kuq”.
SHËNIM: Këto statistika janë të vlefshme nga viti 1992 e në vazhdim, kur kampionati anglez ndryshoi emër në Premier Ligë.
Arena e Lajmit
and then