Shpejt, shpejt, shpejt, shpe jtësi! Këto janë fjalët më të duhura për të përshkruar sulmin e Bajernit në këtë fillim sezoni. Me largimin e Robert Levandovskit, trajnerit Nagalsman iu desh të bënte modifikime në sulm. Pas shumë vitesh Bajerni është gjendur para faktit të kryer se duhet të luajë pa një numër 9.
Një situatë e re, të cilën Nagelsman e ka përmendur më shumë se një herë gjatë intervistave të tij. Dhe tekniku i kampionëve të Gjermanisë duket se e ka gjetur formulën e duhur për ta kthyer skuadrën që drejton në një makineri golash edhe pa Levandovskin në përbërje.
Pa një numër 9 fiks në fushë, Nagelsman ka mundësinë të aktivizojë disa nënta false njëherazi. Myler, Gnabri, Mane, Sane, Musiala, Koman janë të gjithë lojtarë që fare mirë mund të bëjnë numrin 9 fals. Kaq shumë alternativa i mundësojnë trajnerit Nagelsman të flasë me një gjuhë taktike si ish-trajneri i bavarezëve, Pep Guardiola.
Katër sulmuesit në pjesën e përparme kanë pozicione fikse vetëm në një copë letre, ose për ta thënë më shumë si futbolli, në tabelën origjinale të taktikave në dhomën e zhveshjes. Në fushë është një histori tjetër, pasi të katër sulmuesit ndërrojnë vazhdimisht pozicionet e tyre gjatë takimit. Kjo e bën mjaft të vështirë përqendrimin për mbrojtjen kundërshtare.
Por bashkë me fleksibilitetin, sulmin e Bajernit e bën të dallueshëm edhe një tjetër tipar, shpejtësia. Me lojtarë si Gnabri, Mane, Sane, Musiala, Koman, Bajerni ka sulmin më të shpejtë në Europë. Sulmi i Bajernit ka një shpejtësi mesatare prej 35.1 km/orë, teksa listën e sprintierëve të kampionëve të Gjermanisë e kryeson Kingsli Koman me 35.9 km/orë. Ai ndiqet nga Mane me 35.5 km/ orë, Sane 35.4 km/orë, ndërsa i fundit është Musiala me 33.7 km/orë. Një sulm atomik.
Përgatiti: LEDJO SEFERKOLLI – Arena e Lajmit
and then