Gaz Demi nuk është nga ata që kënaqet lehtë me Partizanin e tij, por sfida me Laçin e ka mbajtur të mbërthyer deri në fund, duke duartrokitur lojtarët nga tribuna dhe duke i përgëzuar për fitoren dhe futbollin që luajtën. Demi kërkon një ekip sulmues dhe kjo ndodhi ndaj kurbinasve. Në një intervistë ekskluzive për “Panorama Sport” pas ndeshjes, njëshi i të kuqve kërkon të mbajë gjithsesi me këmbë në tokë skuadrën, pasi është vetëm java e dytë e kampionatit. Ai nga ana tjetër kërkon një Partizan akoma më të fortë, ndërsa premton se shumë shpejt të kuqtë do t’i luajnë ndeshjet në impiantin e tyre, që po merr formë dita-ditës në zonën e Tufinës.
President, si ju duket Partizani sot (dje)?
Po mirë them, si fillim mirë duket, por është vetëm ndeshja e dytë e kampionatit.
Paraqitja ndaj Laçit e kthen në një pretendent serioz për kampionatin…
Nuk e dimë këtë gjë, ka ende shumë kohë. Laçi është një ekip shumë i fortë, ku mendoj se luajtëm më mirë dhe u shpërblyem me fitore.
Në fund duartrokitët ekipin, kaq shumë ju pëlqeu loja?
Sa kohë kishit që nuk e shihnit një Partizan të tillë? Mua m’u bënë 10 vite tanimë, e kam parë që ka luajtur dhe më mirë dhe më keq. Por sot (dje) më pëlqeu si lojë, pasi ishte një lojë sulmuese, atë që unë kam dëshirë.
A është ky Partizani që dëshironi?
Ende jo, e dua më të fortë.
Kur do të luajë Partizani nëimpiantin e tij?
Do të luajë aty, rrini të qetë. Shumë shpejt.
Arena e Lajmit
and then