Shtohen “dhimbjet e kokës” për trajnerin e Kombëtares, Edi Reja, në prag të ndeshjeve të Ligës së Kombeve, që Shqipëria do të zhvillojë në muajin shtator.
Pas Bërat Gjimshitit dhe Kastriot Dermakut, mbrëmjen e sotme pësoi një tërheqje në kofshën e majtë edhe Marash Kumbulla, duke lënë kështu zbuluar mbrojtjen e Kombëtares, që për momentin nga treshja e qendrës i vetmi titullar i disponueshëm është Ismajli.
Shqipëria do të zbresë në fushë më 24 shtator, në duelin e Ligës së Kombeve ndaj Izraelit, teksa më 27 shtator do të luajë në “Air Albania” ndaj Islandës. Mbetet të shihet se si do të rrjedhin ngjarjet deri atëherë.
Në infermieri përveç mbrojtësve, së fundmi ka përfunduar edhe Rei Manaj, që ka pësuar një dëmtim dhe nuk ishte i disponueshëm për skuadrën e Uatfordit mbrëmjen e sotme.
Arena e Lajmit
and then