Përforcimi i Interit në mbrojtje quhet Françesko Açerbi. Mbrojtësi është zyrtarizuar sot pasdite si pjesë e klubit zikaltër i cili ka depozituar kontratën e tij në Ligën e Futbollit.
Ashtu siç pritej, kontrata e Açerbit do të jetë huazim nga Lacio, ku mbrojtësi nuk kishte më vend pas përplasjeve me tifozerinë e vet. Inzagi kishte kërkuar me ngulm futbollistin si përforcim në prapavijë dhe pavarësisht mëdyshjeve të Zhang, në fund drejtuesit e kanë bindur që të afrojnë këtë futbollist.
Francesco Acerbi è un nuovo giocatore dell’Inter ⚫🔵@Acerbi_Fra indosserà la maglia numero 15 👕#ForzaInter #WelcomeFrancesco
— Inter (@Inter) September 1, 2022
Zhang mbi të gjitha ishte i shqetësuar për faktin se tifozët e Interit nuk e duan Açerbin, pasi e cilësojnë atë si një tifoz të Milanit. Pakënaqësia edhe te tifozët e Lacios u rrit më shumë kur mbrojtësi u filmua duke qeshur në fund të sfidës së kampionatit të vitit të kaluar ku MIlani fitoi me një gol në fund të ndeshjes ndaj lacialëve.
Arena e Lajmit
and then