Duket se lajme të mira kanë ardhur për Masimiliano Alegrin në prag të sfidës me PSG-në në Ligën e Kampionëve. Sulmuesi i ardhur këtë verë, Angel Di Maria, do të jetë i disponueshëm për sfidën ndaj ish-skuadrës së tij.
Kjo është ajo që raporton prestigjiozja italiane, “La Gazzetta dello Sport”, e cila thekson se argjentinasi do të bëjë çmos për të qenë në fushë për këtë përballje.
Di Maria sapo u kthye nga një dëmtim që pësoi në ndeshjen e parë ndaj Sasuolos dhe duket se nuk është rikuperuar 100%, pasi dhe në sfidën me Fiorentinën këtë javë u duk se kishte probleme, duke u zëvendësuar që në fillimin e pjesës së dytë.
Gjithsesi duket se argjentinasi e ka lënë pas këtë gjë dhe do të jetë gati për rikthimin në “Parc des Princes”, kësaj radhe si kundërshtar.
Arena e Lajmit
and then