Talenti shqiptar i Panathinaikos, Leandro Frroku, arriti të realizonte dopietë në harkun kohor të 1 minute, ne duelin e Ligës së Europës për të rinjtë, në përballjen që skuadra greke zhvilloi ditën e sotme ndaj Slavias së Sofies U-19, ku Panathinaikosi triumfoi me rezultatin e thellë 8-0.
Frroku është titullar absolut te skuadra e tij, teksa mban edhe shiritin e kapitenit. 18-vjeçari shqiptar realizoi dopietë në minutat 44 dhe 45, teksa pjesa e parë përfundoi me rezultatin 4-0 në favor të Panathinaikosit. Titullar në këtë duel ishte edhe portieri shqiptar Klidman Lilo, që mbajti portën e paprekur.
Si Lilo ashtu dhe Frroku janë 2 nga futbollistët më të rëndësishëm te skuadra e Panathinaikosit. Me këtë triumf skuadra greke ka siguruar kualifikimin për në raundin pasardhës.
Arena e Lajmit
NDIQE LIVE “PANORAMA TV”
and then