Partizanit iu desh të bënte pa disa nga lojtarët titullarë në ndeshjen ndaj Erzenit dhe kjo padyshim pati ndikimin e vet edhe në lojën e skuadrës dhe në fund në rezultatin e ndeshjes.
Hoti dhe Matondo ishin padyshim mungesat e mëdha për atë ndeshje. Gjithsesi, kjo javë ka nisur me lajme të mira, pasi pritet që me shumë mundësi të dy lojtarët të jenë në dispozicion të trajnerit Kolela për transfertën ndaj Kukësit të hënën.
Të dy janë kthyer ditën e djeshme në fushë dhe janë angazhuar me vrapime, teksa sot ose nesër pritet t’i bashkohen skuadrës normalisht në stërvitje. Shtyrja e ndeshjes nga e diela në të hënën e ka ndihmuar jo pak Partizanin, pasi i ka dhënë kohë lojtarëve të rikuperohen.
Arena e Lajmit
NDIQE LIVE “PANORAMA TV”
and then