Federata Shqiptare e Futbollit do të përballet ditën e sotme me FIFA-n në KAS për gjobën e ndeshjes Shqipëri-Poloni të luajtur vitin e shkuar.
FSHF-ja ka çuar në KAS vendimin e Komisionit të Disiplinës së FIFA-s që konsideronte fajtore Shqipërinë për ngjarjet që ndodhën në sfidën Shqipëri-Poloni 0-1, e luajtur më 12 tetor të vitit të kaluar në “Air Albania”.
Mësohet se federata jonë ka pretenduar se ishin tifozët miq që shkaktuan trazirat në ndeshjen në fjalë dhe gjoba e vendosur, përveç një takimi pa tifozë, sipas tyre është e padrejtë.
“Ngjarjet e Shqipëri-Poloni janë pasojë e një provokimi të vazhdueshëm dhe një sjelljeje shumë agresive nga ana e tifozëve polakë që kanë goditur për gati 2 orë tifozët tanë në dy tribuna.
Tifozët polakë njihen për të tilla sjellje dhe prej ditësh të gjitha autoritetet e përfshira në ndeshje kanë bërë maksimumin për të parandaluar ngjarje më të rënda”, deklaronte publikisht FSHF-ja.
Arena e Lajmit
NDIQE LIVE “PANORAMA TV”
and then