Ka zgjatur shumë pak aventura e Luis Suarez te skuadra ku u krijua si futbollist, Nacional në Uruguaj.
Sulmuesi 35-vjeçar u transferua me parametra zero më 27 korrik 2022 te skuadra e tij e zemrës, teksa aventura e tij me ekipin 48-herë kampion të Uruguajit deri në muajin nëntor.
Këtë lajm e ka bërë vetë zyrtare presidenti i klubit, Zhoze Fuentes nëpërmjet mikrofonave të “Canal 10” duke deklaruar se Suarez do të jetë një lojtar i lirë në përfundimin e kampionatit uruguajan:
“Luis Suarez do të lërë Nacionalin në muajin nëntor, sapo të përfundojë kampionati. Kemi rënë dakord dhe nuk dua të krijoj pritshmëri të rreme.”, theksoi presidenti i klubit të Nacional.
Aktualisht gjatë këtij sezoni me fanellën e skuadrës së njohur uruguajane në kampionat, 35-vjeçari është aktivizuar gjithashtu në 8 ndeshje duke shënuar 4 gola dhe duke mos dhuruar dot asnjë asist.
Luis Suarez e nisi karrierën si futbollist profesionist pikërisht te Nacional në vitin 2005 dhe më pas veshi fanellat e Groningen dhe Ajaks në Holandë, të Liverpulit në Angli, Barcelonës dhe Atletikos së Madridit në Spanjë.
– Arena e Lajmit
NDIQE LIVE “PANORAMA TV”
and then