Mungesa e 9-ës në ekipin e Bajernit vazhdon të mbetet një çështje e hapur, edhe pse afati i transferimit të lojtarëve ka përfunduar. Eksperti i transferimeve, Tomas Pletenberg, në “Football Daily”, ka pohuar se drejtuesit nga Mynihu kanë nisur kontaktet me agjentin e sulmuesit të Totenhemit, Çarli Kejn, njëkohësisht vëllai i Henrit.
Negociatorët e bavarezëve do të përpiqen të bindin agjentin e sulmuesit, marrë në konsideratë edhe fuqinë e tyre në arenën kombëtare dhe ndërkombëtare mbi fitimin e trofeve.
Por gjithsesi, theksohet nga Pletenberg se operacioni nuk do të jetë i lehtë, pasi trajneri Konte dhe presidenti Levi kanë dhënë përgjigje kategorike mbi mundësinë e një transferimi të tillë.
Madje, nga ishulli britanik thuhet se “Spërsat” po mendojnë servirjen e zgjatjes së bashkëpunimit, por pa dhënë detaje shtesë. Kontrata e sulmuesit anglez përfundon në verën e 2024-ës dhe deri atëherë ka ende kohë mbi skenarë të ndryshëm.
Arena e Lajmit
NDIQE LIVE “PANORAMA TV”
and then