Prej vitesh përflitet se problemet e PSG-së lindin nga fakti se ka një grup lojtarësh latino-amerikanë që qëndrojnë bashkë si dhe një grup të kontrolluar nga Mbape, që është i ndarë. Situatë e cila mendohet se ka sjellë shpesh konflikte në klub e që praktikisht është konfirmuar sot nga mesfushori argjentinas, Leandro Paredes.
Futbollisti i cili iu bashkua PSG-së në vitin 2019, por gjatë kësaj vere u largua në drejtim të Juventusit, ka treguar se në fakt nuk ka asnjë marrëdhënie me Mbape, edhe pse kanë qenë shokë skuadre për tre sezone.
“Nuk jam personi i duhur për të folur për të. Unë kisha marrëdhënie me ata me të cilët kisha marrëdhënie dhe nuk mund të flas për ata me të cilët nuk kisha”, ishte përgjigja e tij në një intervistë për ESPN, kur u pyet rreth yllit francez.
Arena e Lajmit
NDIQE LIVE “PANORAMA TV”
and then