“La Gazzetta dello Sport” dha përditësimet më të fundit për rinovimin e kontratës së Ismael Benaserit. Mesfushori ka një marrëveshje me “Djallin” deri më 30 qershor 2024 dhe klubi ka qenë aktiv prej muajsh në përpjekje për të zgjatur martesën me ish-lojtarin e Empolit.
Për Milanin, në fakt, Benaser është thelbësor, sidomos për manovrën e Stefano Piolit, prandaj rinovimi (me modifikimin e fuqishëm të rrogës së tij) është një prioritet për kuqezinjtë.
Aktualisht numri 4 i Milanit fiton pak më shumë se 1.5 milionë euro neto në sezon dhe ideja e drejtuesve është që të dyfishojnë pagën e tij.
Por Musa Sisokon, menaxher i Benaserit, shpreson të marrë kushte më të favorshme ekonomike nga “Djalli” duke e çuar pagën në rreth 4 milionë euro neto në sezon, jo shumë larg asaj të një tjetër lojtari kryesor të kuqezinjve, Teo Hernandez (i cili merr 4.5).
Presioni i Liverpulit për të rrëmbyer algjerianin, është një tjetër shkas që po vonon bisedimet për rinovim.
Arena e Lajmit
NDIQE LIVE “PANORAMA TV”
and then