Erling Haland është padyshim një nga futbollistët më të mirë në botë dhe statistikat e rekordet që po thyen në moshën 22-vjeçare, janë mbresëlënëse. Cilësitë e tij, janë vënë re më herët nga trajnerët që ka pasur dhe një ndër to është edhe Ole Gunar Solskjaer.
Trajneri norvegjez drejtonte Molden në vitin 2018 dhe Haland ishte pjesë e skuadrës së tij. Atë sezon, Solskjaer me Molden eliminonin Laçin nga Liga e Europës duke fituar 0-2 në Laç dhe 3-0 në ndeshjen e kthimit. Në fitoren 3-0, një nga golat e Moldes u shënua pikërisht nga Haland.
Solskjaer tregon për “The Sun” një prapaskenë që mund ta dërgonte Haland te Junajtid për vetëm 4 milionë paund, por “djajtë e kuq” e kishin refuzuar. “I kërkova Mançester Junajtidit 4 milionë paund për Haland, por nuk firmosën me të”. Këtë ‘ofertë’, Solskjaer ia bënte Junajtidit rreth 6 muaj para se të firmoste si trajner i tyre.
Arena e Lajmit
” “
and then