Deputeti i Partisë Demokratike Tritan Shehu, i ftuar në studion e emisionit “Frontline” në News24 ka folur në lidhje me situatën në Kosovë, si edhe aktualitetin në vend.
Shehu u shpreh se qëndrimi i kryeministrit Rama në këtë rast është një përpjekje e këtij të fundit për t’u dukur si “guvernator i Kosovës”, gjë që sipas tij është e papranueshme për një shtet sovran,
Ai shtoi se draft-propozimi për Asociacionin ka pasur ndikim nga Vuçiç, ndërsa i vetmi që nuk ka pasur dijeni mbi të ka qenë Albin Kurti.
Sakaq, ai foli edhe për skandalin e ish-kryebashkiakut të Kuëksit, Safet Gjici, të cilin e konsideroi si “degjenerim të plotë të regjimit”.
“Rama po kërkon të shfaqet si guvernatori i Kosovës. Nuk mund të sillet kështu për një shtet sovran. Unë dyshoj se ka bërë me kokën e Vuçiçit draft-propozimin. Dijeni nuk ka pasur Kurti dhe Kosova për këtë, për Vuçiçin kam dyshime.
Marrëdhëniet Shqipëri-Serbi duhet të jenë normale. Nuk ka punë as ngrirje, as ngrohje. Rama ka vendosur sanksionin e parë ndaj Kosovës. Ka qenë anulimi i mbledhjes së qeverive.
Zanafilla është e gjitha te gjenocidi serb. Të dënosh një gjenocid e ta njohësh është për mua baza e stabilitetit për të ardhmen dhe korrigjimin e gjithçkaje. Nëse një gjenocid nuk dënohet, ka rrezik për t’u përsëritur sërish.
Ai skandal është i dënueshëm, i turpshëm dhe opinioni duhet të kuptojë se nuk duhet t’i harrojë skandalet. Kemi një degjenerim të plotë të këtij regjimi”, u shpreh ai.
and then