“Jam një djalë i thjeshtë”. Kështu është mënyra se si Kristjan Asllani e përshkruan veten,. ndonëse që tani është një nga yjet e Serisë A, në një nga klubet më në zë, ka varur në qafë medaljen e finalistit të Ligës së Kampioneve dhe dy javë më parë mahniti Europën me supergolin e tij.
Por përshkrimi është pikërisht ashtu siç thotë vetë mesfushori kuqezi, i cili në një intervistë ekskluzive për emisionin “Panorama Sport” në “Panorama TV”, ka treguar me çiltërsi hapat e karrierës së tij. Në bashkëbisedimin me moderatoren Vjosana Nozllaku, lojtari ka zbuluar që nga hapat e parë në futboll, e deri te emocionet e veshjes së fanellës kuqezi.
“Unë nuk mbaj mend gjë se kam ikur i vogël nga Shqipëria, kur isha gati 3 vjeç dhe kam ardhur këtu në fshatin ku jetoj në Itali, pasi babai im ka ardhur me gomone. E nisa këtu me futbollin dhe kam jetuar këtu derisa shkova në Milano.
E kisha shumë qejf futbollin dhe shikoja sport me babain. E kam nisur këtu në fshat kur isha 5 vjeç, pas një viti shkova në një tjetër fshat këtu afër. Pastaj bëra 13 vite me Empolin dhe në fund iu bashkova Interit.
Sakrifica padyshim kam bërë, por çdo gjë është e bukur se bëjmë diçka që kemi qejf. Nuk më kujtohet mirë kur mora ftesën nga Empoli, por e di që më ka ndihmuar një ish-lojtar i Empolit që e kam këtu në fshsat dhe më tha ai që shko te Empoli.
Debutimi me ekipin e parë? Po e mbaj mend, se ka qenë me Napolin në Kupën e Italisë dhe zëvendësova Bajramin dhe hyra në vend të tij, luajta 6-7 minuta, ishte emocion i madh se kur luan 13 vite me një skuadër e pastaj debuton me ekipin e parë, është një gjë shumë e bukur.
Nuk kam ëndrra, se ëndrra ime ishte të luaja me Interin e Kombëtaren. Tani duhet të kap objektiva që të fitoj trofe, me Interin, apo dhe me Shqipërinë”, tha ndër të tjera Asllani në intervistën e tij.
and then