Gatusso gjen “strehim” në Francë, trajneri firmos me skuadrën e re

Gennaro Gattuso u emërua sot si trajneri i ri i gjigandëve francezë të Marseille pas dorëheqjes së Marcelino Garcia Toral javën e kaluar.

“Jam shumë i lumtur dhe krenar që i bashkohem Marsejës – një klubi dhe një stadiumi, Velodromi, në të cilin pata mundësinë të luaja dhe i cili është i famshëm në të gjithë Evropën për pasionin dhe entuziazmin që buron prej tij”, tha 45-vjeçari menjëherë pas nënshkrimit të kontratës.

Gattuso ka drejtuar Milan dhe Napoli, por ka qenë një trajner i lirë që kur u largua nga Valencia në fillim të këtij viti. Ndeshja e parë e “timonierit” në krye të kësaj pankine do të jetë kundër Monakos të shtunën. Me interes të madh pritet të shihet sesi do ndryshojë skuadra, tashmë me një ekspert në stol si Gatusso.

(J.S/)