Kuvendi i hoqi imunitetin, batuta e Berishës: Po konsultohem me avokatët nëse do ta kryej ‘arrestin shtëpiak’ në banesë apo në seli

Ish-kryeministri Sali Berisha nga selia e Partisë Demokratike dha një prononcim për mediat.

Berisha u tha gazetarëve duke qeshur se përsa se do të konsultohet “me avoketërit” sa i përket vendimit se ku do ta kryej masën e ‘arrest shtëpie’, nëse kjo do të jepet nga Gjykata, në banesë apo në selinë e PD.

“Jam në kontakt të vazhdueshëm me ta. Ju e patë se cili ishte ligji, e patë! Cilido që lexon procedurën dhe shef një bandë antikushtetuese në veprim. PD do marrë çdo masë për përgjigjen e merituar Ramës.

Çështje që do të diskutohet me avokatët, është se ku do kryej arresti, në shtëpi apo në seli”, tha ai.