Granata dhe municion luftarak, gjendet një arsenal armësh në Gramsh

Një arsenal armësh është gjetur sot në fshatin Çekrez të Gramshit.

Sipas informacioneve të para, arsenali i armëve u gjet në një banesë të vjetër prej guri dhe të pabanuar, pronari i së cilës nuk jeton më.

Mësohet se janë gjetur një sasi e madhe granatash dhe arka të konsiderueshme me fishekë.

Gramsh/Informacion paraprak

Në fshatin Çekrezë, në një banesë të vjetër prej guri dhe të pabanuar (pronari i së cilës nuk jeton më), janë gjetur në arka të vjetra, disa granata dhe një sasi municioni luftarak.

Shërbimet e Policisë dhe grupi hetimor kanë shkuar menjëherë në vendin ku janë konstatuar lëndët plasëse, kanë siguruar perimetrin e sigurisë dhe vijon puna për dokumentimin ligjor të rastit.