Pastrimi i parave, Balluku: Duhet të hartojmë një strategji të re kombëtare

Shqipëria duhet të hartojë një strategji të re kombëtare kundër pastrimit të parave.

Kërkesa u parashtrua nga ministrja e Infrastrukturës dhe Energjisë, Belinda Balluku në mbledhjen vjetore të Komitetit Bashkërendues të luftës kundër pastrimit të parave.

“Synojmë të biem dakord për nevojën e një strategjie kombëtare në fushën e parandalimit dhe goditjes së pastrimit të parave dhe financimit të terrorizmit, duke e hartuar dhe miratuar këtë strategji brenda 6 mujorit të parë të vitit 2024. Kjo strategji do të jetë një udhërrëfyes për një sërë procesesh vlerësuese, si dhe do të rrisë efikasitetin e këtij komiteti.”, tha Balluku.