Zjarr në një banesë në Shkodër, digjen disa pajisje

Zjarr në një banesë në Shkodër.

Ngjarja ndodhi rreth orës 12:00, në lagjen “Skënderbeg”. Nga të dhënat e policisë, dyshohet se për shkak të një shkëndije elektrike, ka rënë zjarr në banesën e shtetasit L. Q., 69 vjeç. Si pasojë janë djegur disa pajisje në këtë banesë.

Grupi hetimor vijon të punojë për dokumentimin me prova ligjore të shkakut të rënies së zjarrit.