Protesta/ Këlliçi me mollë me vete, ironizon arrestimet në Bashkinë e Tiranës: Do arrestohet apo jo, Veliaj s’do të jetë me në atë zyrë!

Ish-kandidati i Rithemelimit për Bashkinë e Tiranës, Belind Këlliçi, organizator i kësaj proteste që do të mbahet para Bashkisë së Tiranës, ka gjetur një simbolikë për këtë tubim, ndërsa në duar mban një mollë. Ai tha se me protesta do të largohet Veliaj nga vendi.

“Po presim dhe drejtuesit e mbrojtës së Teatrit. Protesta do të nisë. Qëllimi është që të ketë reagim ndaj një banditi, që çdo ditë vjedh taksat tona, për t’u pasuruar me taksat e qytetarëve dhe me banditët e tij si kompania 5D. Madje askush nuk ka marrë masa. Protestat do të kulmojnë me largimin e Veliajt nga zyra. Arrestohet apo jo, Veliaj, ne do ta nxjerrim nga zyra.”, tha ai.