Balla pret në Tiranë Kryetarin e Parlamentit të Landit të Saksonisë: Numri i turistëve gjermanë që vizitojnë Shqipërinë është shumëfishuar

TIRANE

Ministrit të Brendshëm, Taulant Balla, ka pritur në Tiranë Kryetarin e Parlamentit të Landit të Saksonisë, Dr.Matthias Rößler.

Balla ka publikuar në rrjetet sociale momente nga takimi me Rößler, ndërsa shkruan se numri i turistëve gjermanë të cilët zgjedhin të vizitojnë Shqipërinë është shumëfishuar.

Sipas Ballës Shqipëria është certifikuar si një destinacion evropian me bukuri natyrore, mikpritje të pakonkurueshme dhe siguri mbresëlënëse.

“Mirëprita sot Kryetarin e Parlamentit të Landit të Saksonisë Dr.Matthias Rößler. Numri i turistëve gjermanë të cilët zgjedhin të vizitojnë Shqipërinë është shumëfishuar, sepse Shqipëria jonë është certifikuar si një destinacion europian me bukuri natyrore, mikpritje të pakonkurrueshme dhe siguri mbresëlënëse”-shkruan Balla.