Një ditë pasi ministrja e Infrastrukturës shkoi në SPAK për aferën e inceneratorëve, gazetarja Klodiana Lala e ftuar në “Open” në News 24 tha se qeveria synon të kontrollojë Prokurorinë e Posaçme nëpërmjet një komisioni që drejtohet nga Fatmir Xhafaj.
“Dje zonja Balluku ishte në SPAK për aferën e inceneratorëve dhe SPAK duhet të na e thotë se kush është ‘shapi dhe sheqeri’. Kryeministrit i ka vajtur SPAK te pragu i shtëpisë dhe e vetmja mënyrë për ta vënë nën kontroll është komisioni i posaçëm dhe ka vënë Fatmir Xhafën aty. Është tentativë e pastër për ta vënë nën kontroll SPAK-un dhe Shqipëria do të shkojë 30 vite mbrapsht.
Pse ka vënë Fatmir Xhafën? Sepse ai e qepi reformën dhe tani synon ta shqepë. Ai shkon te amerikanët dhe ai u thotë se ju më besuat reformën dhe me këtë nuk do t’u zhgënjejë. Partnerët ndërkombëtarët duhet që kanë derdhur miliona duhet të jenë vigjilentë”, tha ajo.
and then