Goditi me gur xhamin e një bankomati, arrestohet 50-vjeçari në Korçë

Një 50-vjeçar ka rënë në prangat e policisë së Korçës, pasi goditi me gur, xhamin e një bankomati të një banke të nivelit të dytë.
Incidenti ka ndodhur në lagjen 9 të këtij qyteti.

Ai akuzohet për veprën penale “Shkatërrimi i pronës”.

Njoftim i Policisë:

Si rezultat i veprimeve të shpejta hetimore, bazuar dhe në informacionet e siguruara në rrugë operative, specialistët për Hetimin e Krimeve të Komisariatit të Policisë Korçë identifikuan dhe arrestuan në flagrancë shtetasin V. N. alias P. N., 50 vjeç, banues në Pukë, për veprën penale “Shkatërrimi i pronës”.

Nga verifikimet rezultoi se ky shtetas ishte shpallur në kërkim nga Komisariati i Policisë Lezhë, për veprën penale “Shkatërrimi i pronës” dhe ishte proceduar penalisht disa herë, për këtë vepër penale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

()