Një incident është raportuar në Fier gjatë procesit të votimit për zgjedhjet e përgjithshme të 11 majit. Isuf Nuhaj, banor i Fierit, ka denoncuar për News24 se nëna e tij 101-vjeçare nuk është lejuar të votojë në shkollën “Naim Frashëri”, pasi emri i saj nuk gjendet në listën e zgjedhësve.
Sipas Nuhajt, nëna e tij, një votuese e rregullt ndër vite, kishte shkuar me gëzim në qendrën e votimit që në orën 06:30 të mëngjesit, siç është në traditën e saj.
Por pavarësisht pritjes për rreth 30 minuta, ajo nuk u lejua të votojë, pasi emri i saj mungonte në listë.
“Shkuam në shkollën ku kemi votuar gjithë jetën, por më sollën vërdallë duke më thënë se nuk figuron emri,” u shpreh ai, duke e cilësuar situatën si të pakuptimtë për një person që ka votuar rregullisht për dekada.
and then