PS drejt 200 mijë votave në Qarkun e Tiranës, PD-së i rrezikohet mandati i 14-të. Shehaj lufton për të dytin

Kur kanë mbetur edhe 97 kuti për t’u numëruar në Qarkun e Tiranës, Partia Socialiste ka marrë rreth 200 mijë vota, që përkthehet në 19 mandate, më shumë se gjysma në këtë këtë qark.

PD-ASHM në vendin e dytë me rreth 145 mijë vota, ose 14 mandate. Por nga llogaritjet e fundit, mund të kemi një rritje të Partisë Mundësia, e cila ka marrë mbi 20 mijë vota dhe renditet e treta me 5% (1 mandat), por që nëse ruhet trendi në kutitë e fundit, mund të marrë edhe mandatin e dytë, që i hiqet PD-ASHM.

Tre partitë e tjera, PSD, NISMA-SHB dhe Bashkë, kanë siguruar nga një mandat, por që nuk mund të ngjiten më lart për të marrë mandat të dytë në Tiranë.

()