Al Ittihad është shpallur kampion në Arabinë Saudite. Skuadra ku luan Mario Mitaj fitoi 1 me 3 në transfertën e Al Raed, duke fituar matematikisht titullin në kampionatin e Arabisë Saudite.
Dhe pse asgjë nuk u duk e lehtë pasi vendësit shënuan të parët, skuadra e Mitajt ia doli të reagojë, duke shënuar plotë 3 gola falë realizimeve të Bergwijn, Pereira dhe Al Oboud. Ky është titulli i 10-të për ta në historinë e klubit.
Mitaj, Benzema dhe pjesa tjetër e grupit u panë mjaft të lumtur, kur kanë mbetur dhe 3 javë për t’u luajtur, për arritjen e një suksesi tepër të vështirë, duke ditur edhe rivalët për titull këtë sezon për ta, siç janë Al Hilal apo Al Nassr i Cristiano Ronaldos.
Një sukes tepër I rëndësishëm ky padyshim për Mario Mitajn, me mbrojtësin e Kombëtares shqiptare i cili u afrua në fillim të sezonit si huazim te Al Itihad, që më pas vendosi të blinte kartonin e tij nga Lokomotiva e Moskës.
Mitaj ka lënë pas edhe një dëmtimi. Menjëherë është preferuar në dy ndeshje radhazi si titullar. Pritet të shihet në javët në vijim, pas përfundimit të sezonit nëse mbrojtësi i kombëtares tonë do ta vijojë apo jo aventurën në kampionatin arab.
and then