Komisioni Qendror i Zgjedhjeve ka publikuar një bilanc paraprak mbi pjesëmarrjen dhe rezultatet e votimit, bazuar në të dhënat e transmetuara nga operatorët në terren, si brenda vendit, ashtu edhe nga diaspora.
Sipas KQZ-së, nga 3.467.962 zgjedhës të regjistruar në listat zgjedhore, kanë votuar gjithsej 1.462.138 qytetarë brenda territorit të Shqipërisë. Nga këto vota, 1.406.514 janë shpallur të vlefshme, ndërsa 55.514 janë konsideruar të pavlefshme.
Gjithashtu, KZAZ-të kanë identifikuar 12 kuti votimi si të parregullta, të cilat nuk janë përfshirë në procesin e numërimit.
Sa i përket votimit nga diaspora, janë regjistruar 194.889 vota të ardhura përmes shërbimit postar. Nga këto, deri më tani janë numëruar 1.532 vota të pavlefshme.
Ky është një raport paraprak dhe mund të pasqyrojë ndryshime me përfundimin e plotë të procesit të numërimit dhe verifikimit.
Njoftimi:
Të dhënat paraprake të transmetuara nga operatorët në sistemin e informacionit në KQZ, për votimin brenda vendit:
3.467.962 – Numri total i zgjedhësve në listë;
1.462.138 – Numri i votuesve në qendrat e votimit të numëruara;
1.406.514 – Vota të vlefshme;
55.514 – Vota të pavlefshme;
Shënim: 12 kuti votimi janë shpallur të parregullta nga KZAZ-të (të panumëruara).
VOTIMI NGA JASHTË245.953 – Numri total i zgjedhësve të miratuar nga KQZ
194.889 – Numri total i zarfave të shërbimit postar
147.024 – Numri total i zarfave të numëruar
145.316 – Vota të vlefshme
1532 – Vota të pavlefshme
Shënim: Të dhënat për numërimin, votat e vlefshme dhe të pavlefshme nuk përfshijnë zarfet e mbërritura në KQZ nga shteti i Greqisë. Votat nga Greqia do të vlerësohen sipas vendimit të Komisionerit Shtetëror të Zgjedhjeve të datës 16 Maj 2025.
Projekti i Prezencës së OSBE-së në Shqipëri “Mbështetje për Reformën dhe Procesin Zgjedhor në Shqipëri” mbështetet nga Suedia, Zvicra, Misioni i SHBA-së në OSBE dhe Polonia.
and then