Mbrëmjen e djeshme, dy turistë kanadezë u gjetën në ndihmë nga Policia Kufitare në Dhërmi pas humbjes së orientimit gjatë një ecjeje në zonën malore të Karaburunit.
Rreth orës 23:00, u njoftua se dy turistët, të cilët kishin shpërndarë nga grupi i tyre, kishin humbur rrugën dhe nuk mund të ktheheshin dot.
Shërbimet e Policisë Kufitare, pas marrjes së alarmit, u angazhuan menjëherë duke përdorur mjete lundruese dhe duke realizuar kërkime në terren, ndonëse kushtet ishin të vështira dhe terreni malor ishte i vështirë për t’u kaluar.
Pas përpjekjeve intensive, efektivët arritën t’i lokalizojnë dhe t’i gjenin turistët në gjendje të mirë shëndetësore, duke i kthyer më pas në grupin e tyre.
Njoftimi i Policisë:
Mbrëmjen e djeshme, rreth orës 23:00, salla operative e DVKM Vlorë është njoftuar se dy shtetas kanadezë, të ndarë nga grupi i tyre gjatë një ecjeje në zonën e Karaburunit, kishin humbur orientimin dhe nuk dinin të ktheheshin.
Menjëherë pas marrjes së njoftimit, u organizuan shërbimet e Policisë Kufitare Dhërmi, të cilët u nisën me mjet lundrues drejt Gjirit të Gramës.
Pas mbërritjes, efektivët e Policisë vijuan kërkimet në këmbë, në terrenin e vështirë malor dhe në kushte të errësirës, duke bërë të mundur, rreth orës 24:00, lokalizimin dhe gjetjen e dy turistëve, të cilët ndodheshin në gjendje të mirë shëndetësore.
Turistët u shoqëruan në Gjirin e Gramës dhe iu bashkuan grupit të tyre, ndërsa falënderuan shërbimet e Policisë së Shtetit për gatishmërinë dhe profesionalizmin e treguar.
Policia Kufitare e Vlorës mbetet e angazhuar për garantimin e sigurisë së qytetarëve dhe vizitorëve, në çdo cep të territorit.
#angazhimpërkushtimsakrificë
#tëvendosurkundërkrimit
#nëçdoskajtëvendit
#nëshërbimtëqytetarëve
()
and then