Bashkimi Evropian do të lëvrojë 100 milionë euro për të ndihmuar Radion Evropa e Lirë/Radio Liberty (RFE/RL) të qëndrojë në transmetim pasi SHBA-të ngrinë financimin e saj, njoftoi shefja e diplomacisë evropiane, Kaia Kalas.
“Kjo shumë do të na lejojë të mbështesim punën kritike të Radios Evropa e Lirë”, u tha Kalas gazetarëve pas përfundimit të takimit të ministrave të jashtëm në Bruksel.
“Ky është një financim afatshkurtër, emergjent, që shihet si një rrjet sigurie për gazetarinë e pavarur”, shtoi ai.
Presidenti i SHBA-së, Donald Trump, pezulloi financimin për Radion Evropa e Lirë/Radio Liberty në mars, si dhe për media të tjera amerikane si Zëri i Amerikës, si pjesë e fushatës së tij për të ulur shpenzimet qeveritare.
RFE/RL, e cila punëson më shumë se 1,700 punëtorë, apeloi në gjykata kundër këtij vendimi dhe javën e kaluar u lëshua një urdhër i përkohshëm në favor të saj. Megjithatë, autoritetet amerikane deri më tani kanë refuzuar të sigurojnë paratë që i nevojiten stacionit.
Kalas sqaroi se financimi evropian nuk mund të mbulojë punën e stacionit në të gjithë botën, por do të përqendrohet kryesisht në rajone të caktuara, siç janë Kaukazi dhe Azia Qendrore. “Është e qartë se Evropa nuk mund të sigurojë të gjitha burimet e nevojshme”, pranoi ai.
()
and then