Ismail Gjineci, 34 vjeç, banues në Tiranë dhe i dënuar më herët për trafikim të qenieve njerëzore, është vënë sërish në fokus të autoriteteve ligjzbatuese, këtë herë për pasuritë që dyshohet se i ka përfituar nga veprimtaria kriminale.
Në kuadër të operacionit policor të koduar “Real Ouner”, të zhvilluar nga Seksioni për Hetimin e Pastrimit të Parave dhe Aseteve Kriminale, në bashkëpunim me Agjencinë e Administrimit të Aseteve të Sekuestruara dhe të Konfiskuara, u bë e mundur vendosja e sekuestros preventive ndaj një apartamenti dhe dy automjeteve, dhe rreth 228 mijë eurove. Këto pasuri ishin regjistruar në emër të babait të Gjinecit, duke u dyshuar si përpjekje për të fshehur burimin e tyre të paligjshëm.
Operacioni u zhvillua nën drejtimin e Prokurorisë së Tiranës, e cila po vijon hetimet për të zbuluar pasuri të tjera të mundshme që 34-vjeçari mund të ketë fshehur përmes emrave të tretë. Materialet hetimore janë referuar për ndjekje të mëtejshme në Prokurorinë e Tiranës.
Njoftimi i policisë:
Tiranë/Finalizohet operacioni policor i koduar “Real Oëner”, për gjurmimin e pasurive që rrjedhin nga veprimtaria kriminale.
Operacioni, nga Seksioni për Hetimin e Pastrimit të Parave dhe Aseteve Kriminale, në bashkëpunim me Agjencinë e Administrimit të Aseteve të Sekuestruara dhe të Konfiskuara, në drejtimin e Prokurorisë së Tiranës.
Sekuestrohen pasuri të një shtetasi të dënuar për trafikim të qënieve njërëzore.
Pasuritë (1 apartament dhe 2 automjete), me vlerë rreth 228 mijë euro, ishin regjistruar në emër të babait të shtetasit të dënuar.
Seksioni për Hetimin e Pastrimit të Parave dhe Aseteve Kriminale, në bashkëpunim me Agjencinë e Administrimit të Aseteve të Sekuestruara dhe të Konfiskuara, si rezultat i punës gjurmuese dhe hetimore të kryer në drejtimin e Prokurorisë së Tiranës, për evidentimin dhe sekuestrimin e pasurive të përfituara nga veprimtaritë kriminale, finalizoi operacionin “Real Oëner”.
Në kuadër të operacionit u ekzekutua vendimi i Gjykatës së Tiranës, për vënien e sekuestros preventive mbi pasuritë e regjistruara në emër të babait të shtetasit I. Gj., 34 vjeç, banues në Tiranë, të dënuar për trafikim të qenieve njerëzore.
Konkretisht, u vu sekuestro mbi 1 apartament dhe 2 automjete, me vlerë rreth 228 mijë euro.
Në drejtimin e Prokurorisë po vijon puna për të zbuluar asete të tjera të përfituara në mënyrë të kundërligjshme, që 34-vjeçari mund t’i ketë regjistruar në emër të shtetasve të tjerë.
Materialet procedurale iu referuan Prokurorisë së Tiranës, për veprime të mëtejshme.
and then