Igli Tare pritet të bëhet zyrtarisht “djall”, por në Itali nuk kanë asnjë dyshim për këtë pjesë, thjesht është kohë, me ish futbollistin e famshëm kuqezi që do të firmos një kontratë 2-vjeçare, me opsion rinovimi edhe për një tjetër vit. Me zgjedhin e Tares për postin e Drejtorit Sportiv, në shtëpinë e Milan nis puna për të ndërtuar ekipin për sezonin e ri. Vendimi i parë që duhet të marrë Tare së bashku me Furlanin është ajo e trajnerit të ri.
Sipas La Gazzetta dello Sport, i preferuari i Igli Tares është tekniku aktual i Bologna-s, Vincenzo Italiano. Pengesa e madhe në këtë pikë është pikërisht klubi, pasi në radhët e Bologna-s nuk dëshirojnë të bëjnë të njëjtën gjë si me Thiago Motta-n, për këtë arsye i kanë ofruar trajnerit një rinovim të kontratës edhe për një tjetër vit, deri në 2027.
Ndryshe nga La Gazzetta dello Sport, e përditshmja tjetër italiane, Corriere dello Sport, sqaron se Italiano ka vendosur të qëndrojë te Bologna. Në Milano, përpara se drejtuesit e klubit të mbyllnin marrëveshjen me Igli Taren, në zyrat e klubit qarkullonte fuqishëm emri i Sarrit, pasi ai ishte i përzgjedhuri i drejtuesve përpara se të firmosnin me Conceicao-n, por Sarri nuk pranoi kushtin në kontratë që mund të shkarkohej pas 6 muajsh.
Sarri ka punuar me Igli Taren për dy vite te Lazio, por marrëdhënie e tyre nuk ishte ideale, për të mos thënë e tensionuar, për këtë arsye Tare dhe Furalani duhet të mendojnë për të tjerë opsione, ku mes emra të shumtë ai që po fiton kuota është Max Allegri.
()
and then