Bëhen publike rezultatet e analizave të kryera tek dhjetëra fëmijë të kopshtit nr.1 në Gramsh të cilët u paraqitën këtë javë në spital me simptoma të rënda të helmimit.
Gazetari i New24, Osman Stafa në një raportim nga qyteti i Gramshit, u shpreh se rezultatet e analizave kanë konfirmuar se 4 fëmijë janë kontaminuar me salmonelë. Nga 70 mostra që janë dërguar, 4 kanë dalë pozitivë”, tha gazetari Stafa.
Sipas tij, autoritetet përgjegjëse të drejtësisë po hetojnë pistën kryesore që dyshohet se është shkaku i infektimit, kompania “Nelsa shpk” e cila kryen furnizimin me ushqim katering të këtij kopshti.
Mbrëmjen e djeshme, publikoi dokumentat që vërtetojnë se kjo kompani është përfituese e disa tenderave duke furnizuar me ushqim, përvec kopshteve, edhe spitalet dhe institucionet e burgjeve.
Ndaj ngjarjes së rëndë të Gramshit, prokuroria e Elbasanit ka nisur hetimet, teksa ka bllokuar kartelat mjekësore të fëmijëve të shtruar në spital, si dhe kanë bllokuar ushqimet në kuzhinën e kopshtit.
Prindërit e fëmijëve të kopshtit publik nr.1 në Gramsh kanë lajmëruar protestë ditën e hënë për të vendosur para përgjegjësisë shkaktarët e kësaj situate që ka tronditur opinionin publik.
()
and then