Thuajse dy vite pas ndarjes së tyre të bujshme, Deborra-Lee Furness ka bërë hapin e fundit ligjor për t’i dhënë fund martesës me aktorin australian Hugh Jackman. Dokumentet për divorc janë dorëzuar më 23 maj në një gjykatë në Nju Jork, duke formalizuar përfundimisht mbylljen e kapitullit të tyre bashkëshortor që zgjati plot 27 vite.
Sipas mediave ndërkombëtare, nuk priten përplasje apo beteja ligjore mes ish-çiftit, pasi gjithçka është vendosur më parë me dakordësi dhe në mënyrë konfidenciale. Kujdesi për dy fëmijët e adoptuar, ndarja e pasurisë dhe mbështetja financiare janë zgjidhur në mënyrë paqësore.
Burime pranë Deborra-s kanë konfirmuar se ajo ka arritur një marrëveshje që i garanton siguri financiare dhe vazhdim të sigurimeve shëndetësore. Ndërkohë, të dy aktorët janë shprehur të vendosur të ruajnë një marrëdhënie miqësore dhe të jenë prindër të përkushtuar.
and then