Partizani nuk ka skicuar ende skuadrën për sezonin e ri dhe në këto ditë, të kuqtë janë stërvitur nën urdhrat e trajnerit Gega me një numër të madh mungesash, ki bie në sy ajo e sulmuesit Bintsuka.
Por në këto ditë të para përgatitjesh, trajneri Gega më shumë e kishte mendjen te seleksionimi i lojtarëve nga ekipi B apo akademia që mund të jenë pjesë e ekipit të tij për sezonin e ardhshëm. Ndërsa largimet e “veteranëve” vazhdojnë, Gega edhe dje ka monitoruar shumë nga këta të rinj në veprim, në një ndeshje kontrolli që është zhvilluar në kompleksin e të kuqve.
Skuadra sot është lënë pushim për të rifilluar punën të hënën, ndërsa Gega pret edhe përforcimet që i janë premtuar nga drejtuesit për të nisur më pas punën efektive taktike për ekipin që do të përballojë pjesëmarrjen në Ligën e Konferencës.
and then