Komisioni i Ankimimit dhe Sanksioneve, (KAS) miratoi sot me me shumicë votash, rrëzimin e ankesës së PD-së për të shpallur të pavlefshëm rezultatin e votimit në zgjedhjet e 11 majit për Beratin dhe Vlorën dhe përsëritjen e procesit zgjedhor në Vlorë.
Me vendimin e sotëm, procesi zgjedhor në qarqet Berat e Vlorë konsiderohet i mbyllur bashkë me qarqet Kukës, Korçë, Lezhë dhe Gjirokastër, ku KAS po ashtu i ka rrëzuar ankimet.
Gjatë seancës së shqyrtimit të ankesave, KAS kërkoi prova konkrete për këto pretendime, duke theksuar se në mungesë të tyre, kjo çështje nuk mund të mbahet i hapur pa fund, duke e cilësuar këtë si një ‘proces pa kuptim’.
E njëjta situatë është edhe për qarkun e Beratit, ku sot u hap edhe një kuti me votat nga Greqia.
Deri tani janë 6 qarqe të përfunduara në KAS, të cilat PD mund t’i çojë ne Kolegjin Zgjedhor. Nga ana tjetër mbeten 6 qarqe të tjera si Tirana, Fieri, Durresi, Dibra, për të cilat është marrë vendim për rinumërim, ndërsa Elbasani dhe Shkodra janë në proces shqyrtimi.
()
and then