Një video e aktores Genevieve Chenneour duke ‘luftuar’ me një burrë që i vodhi telefonin në një kafene në Londër po bën xhiron e internetit. Aktorja britanike, e njohur për rolin e saj në serialin e famshëm të Netflix-it, Bridgerton , reagoi menjëherë duke e marrë vetë telefonin e saj dhe nuk u ndal me kaq.
Incidenti ndodhi më 8 shkurt dhe u kap nga kamerat e sigurisë. Në video, Chenneour shihet e ulur në një tavolinë kur një burrë i kap telefonin ndërsa ajo po shikon diku tjetër. Brenda pak sekondash, ajo e sheh dhe e ndjek. Me ndihmën e një kalimtari, ajo e rrëzon, merr telefonin dhe e godet me të.
Më vonë ajo tha se, megjithëse u largua nga vendi me telefonin e saj, përvoja e ndikoi psikologjikisht. “Kisha frikë të dilja nga shtëpia. Si gra, ne jemi tashmë në një gjendje të vazhdueshme vigjilence ndaj të huajve dhe burrave në publik. E gjithë kjo më bëri më agorafobike.”
Chenneour foli gjithashtu për ndjesinë e saj të brendshme në atë kohë. “Kisha një ndjesi se diçka nuk shkonte. Ndjeva sikur diçka po lëvizte rreth meje. Por kur ndodhi incidenti, gjithçka u bashkua si copa të një enigme.”
Shikoni videon:
and then